完善自己的英語口音，有必要嗎？

有觀眾問我，點解我唔喺我嘅教學video裏面完全用晒RP accent講嘢呢？其實答案好簡單，唔係我對口音冇興趣，我對口音都有一定嘅興趣，亦都會嘗試模仿唔同嘅口音，但係就唔會迷戀口音。

RP accent，亦即係Received Pronunciation，亦稱為BBC English，係一種regionally neutral accent（並非屬於英國任何地方嘅一種「中性」口音）因為喺幾十年前BBC嘅播音員必須講RP accent，但今日嘅英國已經相對多元好多，BBC嘅播音員、甚至劍橋同牛津嘅學生，好多都已經唔會再講RP。

畢竟每個人嘅時間都係有限嘅，當然要揀一啲自己有興趣嘅嘢嚟學。

有人會話：但係我對口音好有興趣喎，好想學到好似英女皇咁，學成咁有咩唔好處呢？

講開英女皇，好多人以為RP accent同Queen's English係同一回事，但其實事頭婆講嘅英文十分獨特，同RP有頗大分別。

講開英女皇，好多人以為RP accent同Queen's English係同一回事，但其實事頭婆講嘅英文十分獨特，同RP有頗大分別。

好簡單，當你同外國人嘅時候採用嗰種你好迷戀嘅口音嘅時候，即使你學得好好，外國人都會奇怪，點解你嘅口音同你嘅學習背景唔相符嘅呢？

即使你解釋話，因為我好鍾意學口音，所以我就用呢隻口音，不免會令人懷疑，你咁樣學除咗虛榮之外仲有咩意圖呢？

所謂有咁大個頭戴咁大頂帽，如果自己唔係特別carry到嗰種口但係又講嗰種口音其實會好奇怪，口音就好似衣着咁，要符合身份。

更加唔好講其實大部份同學即使花好多時間都好難會學一種口音學到好準，除非本身真係好有天份啦！

唔好誤會啊，我唔係話嗰啲猛咁學口音，同埋猛咁採用某種口音嘅講嘢嘅人係扮嘢，畢竟人各有志，講到尾，你有興趣學，又有何不可呢？

不過普通嘅learner，真係要諗清楚花好多嘅時間去學到口音好似係咪worthwhile use of your time，因為唔係一個人口音好聽，就係講緊好英文。

文法都係一樣道理。

唔係話文法啱就係好英文。

咁樣諗，其實層次好低。

講到尾，英文好，唔單只係要講得啱、講得正，仲講求你能夠好好組織自己嘅觀點，同埋將有意義嘅idea傳遞出去，咁樣嘅英文先有power、先有影響力，可以令世界變得更好。

有觀眾問我點解唔喺我所有嘅影片裡面用RP accent講嘢，我嘅回應如上。