語文能力係一種受逆向歧視嘅能力

語文能力係一種受逆向歧視嘅能力。當你喺公共空間甚至半公共空間（例如Facebook）發表文章或者status，寫錯別字、冇用標點或者反文法錯誤嘅時候，會有人提醒你：喂，你寫錯別字，你冇用標點符號，你文法錯⋯⋯之類，但當你post啲嘢冇美感（相唔夠光，設計唔符合good design principles），咦，好有趣，又唔會有人提你。

當有人想提，又會諸多顧忌，覺得：呀，人地都係post啲嘢「唔夠靚」姐，有冇必要話人呢？

大家好似覺得，語文規則比起設計同美學規則更加值得學咁。

點解呢？

係咪因為⋯⋯因為大家覺得所謂的靚同唔靚係主觀，而啱同唔啱則是客觀嘅呢？

但事實上「靚同唔靚」同「啱同唔啱」條線喜好含糊；而且靚係主觀呢個觀念係值得商榷嘅。

例如有一樣嘢叫golden ratio（黃金比例），黃金比例經常喺被認為係靚嘅野上面出現，包括靚女靚仔塊面、古往今來唔同嘅藝術品等等。

又例如，喺音樂裏面有一啲intervals同note嘅combinations，彈奏出黎，我地唔知點解好自然會覺得好聽，呢啲combinations「好唔好聽」，somehow係好mathematical同好有規律嘅一件事。

又例如，喺攝影裏面，當一幅相嘅目的喺要inform，相一定要夠光，呢個requirement某程度上係客觀嘅，意思係絕大多數人都會認同嘅。

所以靚唔靚係咪主觀架呢？如果靚同唔靚某程度上都係客觀嘅，點解我地會咁唔重視美感教育？

語文規則同設計規則其實都係人為嘅規則，只不過，設計冇納入係正規教育系統裡面黎教，而語文就有。但係咁代表我地可以輕視設計呢？其實道德喺正規教育系統裡面都冇教，不過我地成日都會跟住人口水味，開口埋口講話：讀書唔叻唔緊要，最緊要做個好人。由此可見，我地逆向歧視語文能力，有意無意間展示一種對語文能力嘅重視，另一邊廂輕視設計同美學，其實某程度上係反映緊社會對美學同設計嘅唔重視。

我地經常會討論，點寫嘢先算啱文法，但我地卻少有討論點影一幅相為之靚。

呢樣嘢可唔可以改變下呢？